គេហទំព័របណ្តាញសង្គមចំនួន 12 មុនពេល Facebook ចាប់កំណើត…

គេហទំព័រ Facebook ខ្ញុំគិតថាអ្នកដែលបានអានអត្ថបទនេះ ច្បាស់ជាស្គាល់ជាក់ជាមិនខាន។ គេហទំព័រមួយនេះមានអ្នកប្រើប្រាស់រហូតដល់ទៅជិត 3 ពាន់លាននាក់ ហើយក៏បានក្លាយជាវេទិកាសង្គម ឬ ហៅថាបណ្តាញសង្គមដ៏ធំបំផុតរបស់ពិភពលោក។ ស្ទើរតែពាក់កណ្តាលនៃភពផែនដីទាំងមូល ឥឡូវនេះត្រូវបានចុះឈ្មោះនៅលើ Facebook ។

ដោយសារតែចំនួនអ្នកប្រើប្រាស់ច្រើនយ៉ាងនេះហើយ ទើបយើងអាចដឹងថាចំណូលនៃបណ្តាញសង្គមយក្សមួយនេះ ពិតជាមិនធម្មតាទេ! Facebook បានផ្លាស់ប្តូរទៅជាឈ្មោះ Meta កាលពីខែតុលា ឆ្នាំ ២០២១។

គិតត្រឹមតែក្នុងឆ្នាំ 2021, Meta រកបានប្រាក់ចំណូលជិត 117 ពាន់លានដុល្លារ ដែលភាគច្រើនបានមកពីការផ្សាយពាណិជ្ជកម្មដែលបង្ហាញនៅលើ Facebook និង Instagram (Instagram ត្រូវបាន Facebook ទិញយកតម្លៃកំណត់ 1 ពាន់លានដុល្លារ កាលពីឆ្នាំ 2012)។

ហើយទោះបីជា Facebook គឺជាបណ្តាញសង្គមដ៏ពេញនិយមបំផុតនាពេលបច្ចុប្បន្ននេះក៏ដោយ ក៏វាមិនមែនជាបណ្តាញទីមួយដែរ គឺថាមុនពេលដែល Facebook ចាប់កំណើតមក ក៏មានបណ្តាញសង្គមផ្សេងទៀតជាច្រើន ក្នុងនោះខ្ញុំផ្ទាល់ធ្លាប់បានប្រើប្រាស់គឺ hi5, ខ្ញុំមិនច្បាស់ថាមិត្តអ្នកអាននៅទីនេះ ធ្លាប់បានប្រើប្រាស់ឬអត់នោះទេ ក៏ប៉ុន្តែ កាលជំនាន់ខ្ញុំនោះស្គាល់ត្រឹមតែ hi5, myspace.

នៅពេលដែល លោក Zuckerberg បានចាប់ផ្តើម ដំណើរការគេហទំព័រ Facebook របស់គាត់ ដើម្បីភ្ជាប់ទំនាក់ទំនងជាមួយមិត្តរួមថ្នាក់នៃសាលា Harvard របស់គាត់កាលពីឆ្នាំ 2004 ពេលនោះគាត់កំពុងប្រកួតប្រជែងជាមួយនឹងគេហទំព័របណ្តាញសង្គមផ្សេងទៀត ដែលមានអ្នកប្រើប្រាស់រាប់សិបលាននាក់រួចទៅហើយ។

ប៉ុន្តែ​តើ​ក្រុមហ៊ុន​ណា​ខ្លះ​ដែល​បាន​បើក​ដំណើរការ​មុន Facebook? ហើយ​ហេតុ​អ្វី​បាន​ជាក្រុមហ៊ុនខ្លះ​បរាជ័យ​?

មកដល់ត្រឹមចំណុចនេះ ខ្ញុំនឹងចែករំលែកដល់អ្នកអានរបស់យើង អំពីក្រុមហ៊ុនបណ្តាញសង្គមចំនួន 12 ដែលបានចាប់ផ្តើមមុន ឬអំឡុងពេលដូចគ្នាជាមួយ Facebook (តម្រៀបតាមឆ្នាំដែលពួកគេបានបង្កើត)។