Khmoreខ្ញុំបានជួបប្រទះប៉ុស្តមួយក្នុងកម្មវិធីកំសាន្ត Tiktok របស់ love.stories46, គាត់បានសរសេររៀបរាប់អំពីការរៀបចំជីវិតនៅពេលដែលយើងឈានដល់វ័យចំណាស់។ ខាងក្រោមនេះគឺជាសំណេររបស់គាត់ ដែលខ្ញុំបានទទួលការអនុញ្ញាត្តិក្នុងការចែករំលែកបន្តដល់មិត្តអ្នកអានរបស់យើងនៅក្នុងគេហទំព័រ kh.social នេះ!!!
១.នៅពេលដែលយេីងចាស់ទៅ យេីងត្រូវមានផ្ទះតូចមួយរស់នៅសមល្មមដាច់ដោយឡែកពីកូនចៅរបស់យេីង ។
២.យេីងត្រូវមានប្រាក់បម្រុងសម្រាប់ចាយវាយសម្រាប់ខ្លួនយេីង ។
៣.យេីងមិនត្រួវពឹងផ្អែកទាំងស្រុងទៅលេីពាក្យសន្យារបស់កូនចៅថា កូននឹងចិញ្ចឹម និងមិនបោះបង់ចោលឪពុកម្ដាយនោះទេ ព្រោះនៅពេលដែលយេីងកាន់តែចាស់ បន្ទុករបស់កូនយេីងក៏កាន់តែធ្ងន់ដែរ ។
៤.យេីងត្រូវរក្សាទំនាក់ទំនងញាតិមិត្តកុំឲ្យដាច់ ជាពិសេសអ្នកដែលមានអាយុច្រេីនជាងយេីង ។
៥.យេីងឈប់ប្រៀបធៀបជីវិតចុងក្រោយរបស់យេីងទៅនឹងជីវិតរបស់អ្នកដទៃទៀតទៅ ។
៦.យេីងឈប់ខ្វាយខ្វល់និងលូកលាន់ជីវិតរបស់កូនទៀតទៅ ទុកឲ្យពួកគេសម្រេចចិត្ត និងរស់នៅទៅតាមរបៀបពួកគេទៅចុះ ។
៧.យេីងមិនត្រូវប្រេីភាពចាស់ជរារបស់យេីងមកធ្វេីជាលេស និងការតម្អូញតម្អែររបស់យេីង ដេីម្បីឲ្យគេអាណិតអាសូរ ឲ្យគេយកចិត្តទុកដាក់ និងឲ្យគេខ្វាយខ្វល់នឹងយេីងសោះឡេីយ ។
៨.យេីងអាចស្ដាប់នូវការលេីកឡេីងនូវមតិយោបល់របស់អ្នកដទៃបាន ប៉ុន្តែយេីងត្រូវធ្វេី និងសម្រេចចិត្តទៅតាមសតិសម្បជញ្ញៈ និងភាពឯករាជ្យរបស់យេីងផ្ទាល់ ។
៩.ដាច់ខាតកុំចូលនិវត្តន៍ឲ្យសោះ វាមានន័យថា យេីងត្រូវតែបំពេញកិច្ចការងារធ្ងន់ឬស្រាលទៅតាមលទ្ធភាព និងទៅសមត្ថភាពរបស់យេីង ដេីម្បីកុំឲ្យយេីងស្ពឹកស្រពន់ទន់ខ្សោយដោយសារតែភាពអសកម្មរបស់យេីងឲ្យសោះ ។
