$750,000 តម្លៃរបស់ Domain​ name មួយនេះ

ប្រសិនបើអ្នកបានអានអត្ថបទនេះ ច្បាស់ជាចង់ដឹងថា តម្លៃរបស់ Domain​ name អ្វីទៅដែលធ្វើអោយមានតម្លៃថ្លៃអីដល់ថ្នាក់នេះ? ហើយអ្នកខ្លះច្បាស់ជាឆ្ងល់ថា Domain name គឺជាអ្វី? ចង់ដឹងទេ? តោះមកស្គាល់អ្វីទៅជា Domain name ហើយមានប្រយោជន៌អ្វីខ្លះ?

តើអ្វីទៅជា Domain Name?

ឈ្មោះដែន(Domain Name) គឺជាអាសយដ្ឋានតែមួយគត់សម្រាប់អោយអ្នកប្រើប្រាស់ ឬ អតិថិជនចូលទៅកាន់ គេហទំព័រ របស់អ្នកដើម្បី ស្វែងយល់ពីផលិតផល ឬ សេវាកម្មរបស់អ្នក។ ក្រុមហ៊ុន អង្គការ ឬ បុគ្គលណាមួយ ដែលបានបង្កើតគេហទំព័រ សម្រាប់ផ្តល់ព័ត៌មាន ឬ សេវាកម្មរបស់គាត់ តែងតែស្វែងរក ឬ ចុះឈ្មោះប្រើប្រាស់ Domain name ដែលងាយស្រួលចាំ អក្សរខ្លីៗ ងាយក្នុងការអាន ឬ សរសេរ។ តម្លៃរបស់ Domain​ name និង ផ្នែកខាងក្រោយមានលក្ខណៈខុសៗគ្នា ទៅតាមតម្រូវការរបស់អ្នកប្រើប្រាស់ដូចជា: .com , .net, .info, .org, .to, .io, .art, .health, .app….នឹងច្រើនទៀត។

ក្រៅពីការកំណត់ខាងលើ ក៏នៅមាន .com.kh .gov.kh…ដែល extension នេះសំគាល់ឬប្រើប្រាស់សម្រាប់ប្រទេសកម្ពុជារបស់យើង។ យើងអាចស្នើសុំ .com.kh បានដោយចូលទៅមើល បន្ថែមជាមួយវេបសាយ និយ័តករទូរគមនាគមន៌កម្ពុជា ។

វីដេអូខាងក្រោមនេះ នឹងបង្ហាញអោយកាន់តែច្បាស់អំពីអ្វីទៅជា Domain name

ភាពខុសគ្នារវាង Domain name និង URL

URL មកពីពាក្យថា Universal Resource Locator, បើនិយាយពី URL ប្រហែលជាអាចមានមនុស្សមួយចំនួន យល់ច្រលំរវាង Domain name និង URL។ URL គឺជាទំរង់ដែលបានបូកបញ្ចូលគ្នាជាស្រេចដើម្បីអោយអ្នកចុចចូលមើល បានទៅដល់ទំព័រណាមួយនៃគេហទំព័រនោះ។

ការបូកបញ្ចូលគ្នាជាស្រេចនេះមានដូចការបង្ហាញខាងក្រោមនេះគឺ
Protocol + Subdomain + Domain name + Path/Page ទើបហៅថា URL។

ហេតុអ្វីបានអ្នកត្រូវការ Domain name?

ខាងក្រោមនេះ គឺជាហេតុផលមួយចំនួនសម្រាប់អ្នក:

• ងាយក្នុងការចងចាំ: អ្នកដឹងទេថា អ្នកប្រើប្រាស់អាចចូលទៅមើលគេហទំព័ររបស់អ្នក ដោយប្រើប្រាស់ IP Address ក៏បាន ដែល IP Address មានទំរង់ដូចជា (194.163.35.200) តួលេខទាំងអស់នេះ។ ដោយសារតួលេខច្រើនពិបាកចងចាំ ទើបគេបង្កើត Domain name មកដើម្បីធ្វើអោយអ្នកប្រើប្រាស់ Internet ងាយស្រួលក្នុងការចងចាំ ដូចជា facebook.com, google.com ជាដើម។
• បង្ហាញពី អត្តសញ្ញាណ: ប្រសិនបើជំនួញរបស់អ្នកមានឈ្មោះថា ABC នោះ Domain ដែលមានឈ្មោះថា ABC.com និងធ្វើអោយអតិថិជនងាយស្រួល ក្នុងការស្វែងរក និង យល់អំពីជំនួញរបស់អ្នកកាន់តែច្បាស់។
• ទំនុកចិត្ត: គឺសំខាន់ណាស់សម្រាប់អាជីវកម្មណាមួយ ការបង្កើតគេហទំព័រស្អាត មានខ្លឹមសារ រួចហើយ ដូច្នេះទំនុកចិត្តគឺកាន់តែត្រូវបានគិតដល់។ មានសេវាកម្មជាច្រើនផ្តល់ Domain name ដោយមិនគិតថ្លៃ ក៏ប៉ុន្តែអ្នកនិងមិនបានឈ្មោះល្អ ឬ ចំន័យអាជីវកម្មរបស់អ្នកនោះទេ ដូចជា youname.freedomain.com; ឬក៏ yourname.freehost.com អ្នកឃើញទេ? ឈ្មោះទាំងនោះសុទ្ធតែភ្ជាប់មកជាមួយ freedomain.com ឬ Freehost.com មកជាមួយ។ ដូច្នេះខ្ញុំសូមណែនាំអោយអ្នករកទិញ Domain name ណាដែរត្រូវនិងអាជីវកម្មរបស់អ្នកតែប៉ុណ្ណោះ។
  អ្នកអាច ស្វែងរកឈ្មោះ Domain បានតាម តំណរភ្ជាប់នេះ។
• អ៊ីម៉ែល: ទិញឈ្មោះ Domain បានហើយអ្នកអាចបង្កើតអ៊ីម៉ែលស្តង់ដារ ឬអ៊ីម៉ែលដែលហៅថាសមរម្យ ស៊ីគ្នាជា Domain របស់អ្នកបានដូចជា yourname@abc.com។
• SEO: មកពីពាក្យពេញថា Search Engine Optimization។ ប្រសិនបើ Domain របស់អ្នកមានឈ្មោះល្អ នោះអាចនិងធ្វើអោយវេបសាយរុករកដូចជា Google ងាយស្រួលក្នុងការបង្ហាញ និង លើកវេបសាយរបស់អ្នកឡើងមកលើ ដើម្បីបង្ហាញដល់អ្នក ស្វែងរក។

ហេតុអ្វីបានជា តម្លៃរបស់ Domain​ name ខ្លះថ្លៃ ហើយខ្លះថោក?

តាមពិតទៅ តម្លៃរបស់ Domain name ប្រែប្រួលរហូតមានតម្លៃ រាប់ម៉ឺនដុល្លារ រហូតដល់ លានដុល្លារ ទៅតាម ឈ្មោះនឹងអត្តសញ្ញណរបស់វា។ ដូចជាឈ្មោះថា getnews.com ដែលបានដាក់លក់ក្នុងវេបសាយ Namecheap មានតម្លៃរហូតដល់ $750,000 ដែលនេះជាតម្លៃអាចទិញបានផ្ទះវីឡាមួយយ៉ាងធូរនៅប្រទេសកម្ពុជាយើង។

ក្រៅពីនេះ ក៏មាន Domain មួយចំនួនផ្សេងទៀត មានតម្លៃរហូតដល់ លានដុល្លារថែមទៀតផងដូចជា:

វាដូចទៅនិងលេខទូរស័ព្ទ លេខដែលល្អ មនុស្សគ្រប់គ្នាតែងតែចង់បាន អ្នកដល់ទិញបាន គាត់នឹងដាក់លក់ក្នុងតម្លៃប្រគួតប្រជែង។ អ្នកដែលទិញបានបន្ទាប់ក៏បន្ថែមតម្លៃបន្តទៅទៀត រហូតតម្លៃនៃ លេខ ឬ Domain name នោះហក់ឡើងខ្ពស់ជាលំដាប់។ គេទិញ Domain ល្អៗតម្លៃថ្លៃ សម្រាប់អាជីវកម្មរបស់គេ ហើយប្រយោជន៌វាដូចជា: អត្តសញ្ញាណ រួមជាមួយ SEO.

ឧទាហរណ៌: អ្នកទិញឈ្មោះ Domain ដែលដំណាងទីក្រុង (Phnom Penh) ហើយបន្ថែមឈ្មោះអាជីវកម្មរបស់ លក់រថយន្ត (car dealer)។ ដូច្នេះនៅពេលដែលនណារម្នាក់ចង់រកសេវាកម្ម ឬ ចង់ទិញរថយន្តនៅទីក្រុងភ្នំពេញគេប្រាកដជា ស្វែងរកពាក្យថា Phnom Penh car dealer ដូច្នេះហើយ ដោយសារឈ្មោះ Domain របស់អ្នកអាចជា Phnompenhcardealer នោះ Google នឹងចាប់យកមកដាក់បង្ហាញដល់អ្នកដែលកំពុងស្វែងរក។

ចង់ស្វែងរក Domain សម្រាប់អាជីវកម្មរបស់អ្នកទេ? ចង់ដឹងទេថាវាមានតម្លៃប៉ុន្មាន? តោះមកមើលតម្លៃទាំងអស់គ្នា តាមរយៈគេហទំព័រនេះ: Namecheap – Hostinger ។